អ្នកតំណាងរាស្រ្តមណ្ឌលកំពង់ឆ្នាំង បានអញ្ជើញចូលរួមពិធីបុណ្យសព លោក ឡាយ យ៉ុង ប្រធានសាខាបក្សភូមិថ្មកែវ និងជាមេភូមិថ្មកែវ ឃុំស្វាយជ្រុំ ស្រុករលាប្អៀរ

កំពង់ឆ្នាំង៖ នាព្រឹកថ្ងៃទី៥ ខែមករា ឆ្នាំ២០២៣នេះ លោកជំទាវ កែ ច័ន្ទមុនី អ្នកតំណាងរាស្រ្តមណ្ឌលកំពង់ឆ្នាំង បានអញ្ជើញចូលរួមពិធីបុណ្យសព លោក ឡាយ យ៉ុង ប្រធានសាខាបក្សភូមិថ្មកែវ និងជាមេភូមិថ្មកែវ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដែលបានទទួលមរណភាព ដោយសារគ្រោះថ្នាក់ចរាចរណ៍ កាលពីថ្ងៃទី៣ ខែមករា ឆ្នាំ២០២៣ កន្លងទៅនេះ។

លោកជំទាវបាននាំយក នូវគ្រឿងឧបភោគបរិភោគ មួយចំនួនចូលរួមពិធីបុណ្យនេះ រួមមាន៖ អង្ករ៥០គីឡូក្រាម ទឹកសុទ្ធចំនួន៣កេស ទឹកក្រូចចំនួន២កេស ទឹកត្រីទឹកស៊ីអុីវចំនួន២យួរ ត្រីខចំនួន១យួរ និងបច្ច័យចំនួន៧០ម៉ឺនរៀល ។

បន្ទាប់មកលោកជំទាវបានបន្តដំណើរអញ្ជើញចុះជួបសួរសុខទុក្ខលោកមេឃុំ ជា ណុំ ដែលរស់នៅភូមិក្នុងឃុំស្វាយជ្រុំ ដែលបានជួបគ្រោះថ្នាក់ចរាចរណ៍ដោយរងរបួស និងបានផ្ដល់ជូននូវថវិកា ចំនួន៣០មុឺនរៀល ផងដែរ។