កិច្ចប្រជុំផ្សព្វផ្សាយ សេចក្តីប្រកាសកំណត់តំបន់ វិនិច្ឆ័យ សម្រាប់ការចុះបញ្ជីដីធ្លីមានលក្ខណៈប្រព័ន្ធ នៅភូមិត្រពាំង រាំង ឃុំអភិវឌ្ឍន៍ ស្រុកទឹកផុស

កំពង់ឆ្នាំងៈ នៅព្រឹកថ្ងៃទី៣១ ខែមករា ឆ្នាំ ២០២៣ ប្រជុំផ្សព្វផ្សាយសេចក្តី ប្រកាសកំណត់តំបន់ ធ្វើការវិនិច្ឆ័យ ការ ចុះបញ្ជីដីធ្លីមានលក្ខណៈជាប្រព័ន្ធស្ថិត នៅក្នុងភូមិត្រពាំងរាំង ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ក្រោមអធិបតីភាពលោក លី សុភា ប្រធានមន្ទីររៀបចំដែនដីនគរូបនីយកម្មនិងសំណង់ខេត្ត និងជានាយកកម្មវិធីវិស័យដីធ្លីខេត្ត តំណាងឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង លោក សូត្រ សង់ អភិបាលស្រុកទឹកផុស និងមានការចូលរួមពីអភិបាលរងស្រុក មន្ទីរពាក់ព័ន្ធ អាជ្ញាធរមូលដ្ឋាន និងប្រជា
ពលរដ្ឋជាម្ចាស់ក្បាលដីជាង១៥០នាក់ ។

លោក សូត្រ សង់ មានប្រសាសន៍ថា គោលនយោបាយដីធ្លីនេះត្រូវបាន ប្រមុខរាជរដ្ឋាភិបាល ក្រោមការដឹកនាំប្រកបដោយកិត្តិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលមានក្រសួងនិងមន្ទីររៀបចំដែនដីនគរូបនីយកម្ម និង សំណង់ រាជធានីខេត្ត ជាសេនាធិការ បានយកចិត្តទុកដាក់និងគិតគូរខ្ពស់បំផុតក្នុង ការចុះបញ្ជីដីធ្លីមានលក្ខណៈ ជាប្រព័ន្ធជូនប្រជា ពលរដ្ឋដើម្បីបញ្ជាក់ភាពស្របច្បាប់ ច្បាស់លាស់ត្រឹមត្រូវគ្មានស្រពិចស្រពិល និងបង្កភាពងាយស្រួល ដល់ការគ្រប់គ្រងបែងចែក និងប្រើប្រាស់ដីធ្លីគ្មានការភ័យខ្លាចដូចពាក្យថាដីគឺជាជីវិត។

មានប្រសាសន៍ក្នុងឱកាសនោះ លោក លី សភា បានមាន
ប្រសាសន៍បានបញ្ជាក់ថា គោលបំណងនៃការប្រជុំផ្សព្វផ្សាយ ថ្ងៃនេះគឺដើម្បីផ្សព្វផ្សាយ ជាសាធារណៈ នូវដំណើរការចុះបញ្ជីដីធ្លីមានលក្ខណៈ ជាប្រព័ន្ធរួមមានការកំណត់ព្រំដី ការវាស់វែង និងការវិនិច្ឆ័យ ដែលអនុវត្តផ្ទាល់ដោយមន្ត្រីជំនាញ នៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត សហការជាមួយអាជ្ញាធរមូលដ្ធាននិង អង្គភាពគ្រប់គ្រងដី
រដ្ឋដែលពាក់ព័ន្ធ ។

លោកបានមានប្រសាសន៍បន្តថាៈ ការចុះបញ្ជីដីធ្លីនេះគឺ ត្រូវចុះបញ្ជីទាំងដីឯកជន ទាំងដីរដ្ឋ ដែលអនុវត្តទៅតាមនីតិវិធី និងបច្ចេកវិទ្យាទំនើប មានតម្លាភាព និងការទទួលខុស ត្រូវ ដែលប្រទេសជឿនលឿន លើពិភពលោក ដែលកំពុងអនុវត្ត ហើយមានប្រសិទ្ធិភាពលើការគ្រប់គ្រងដីធ្លី ។ នេះជាប្រការសមស្របបំផុត ដែលបានកំណត់នៅក្នុងគោល នយោបាយដីធ្លីរបស់រាជរដ្ឋាភិបាល ដើម្បីកាត់ បន្ថយភាពក្រីក្រ ទំនាស់ដីធ្លីនៅក្នុងសង្គម និងការអភិវឌ្ឍប្រទេសជាតិ ។

ជាមួយគ្នានេះ លោកប្រធានមន្ទីរក៏បានស្នើ ដល់ប្រជាពលរដ្ឋផ្តល់ការគាំទ្រ យោគយល់ និងផ្តល់កិច្ចសហការជាមួយក្រុមការងារមន្ត្រីជំនាញ ក្នុងដំណើរការចុះបញ្ជីដីធីមាន លក្ខណៈជាប្រព័ន្ធនេះ ព្រមទាំងភ្ជាប់មកជាមួយនូវឯកសារដូចជាសំបុត្រកំណើត អត្តសញ្ញាណប័ណ្ណ សៀវភៅគ្រួសារដើម្បីអោយដំណើរ ចុះបញ្ជីរទទូលបានជោគជ័យ៕