លោកជំទាវ ប៊ន សុភី អភិបាលរងខេត្តបានអញ្ជើញជាអធិបតីបើកវគ្គបណ្តុះបណ្តាលស្តីពីប្រវត្តិចលនាគោលការណ៏គ្រឹះកាកបាទក្រហម អឌ្ឍចន្ទក្រហម និងវិជ្ជាសង្គ្រោះបឋម ជូនដល់អ្នកស្ម័គ្រចិត្តកាកបាទក្រហមកម្ពុជា ក្នុងស្រុកកំពង់លែង

កំពង់ឆ្នាំង÷ រសៀលថ្ងៃទី២៣ ខែមករា ឆ្នាំ២០២៤នេះ លោក ជំទាវ ប៊ន សុភី អភិបាលរងខេត្ត និងជាអនុប្រធានអចិន្ត្រៃយ៏គណៈកម្មាធិការសាខាកាកបាទក្រហមខេត្តកំពង់ឆ្នាំង តំណាង ដ៏ខ្ពង់ខ្ពស់ ឯកឧត្តម ស៊ុន សុវណ្ណារិទ្ធ អភិបាល នៃគណៈអភិបាលខេត្តកំពង់ឆ្នាំង បានអញ្ជើញជាអធិបតី ក្នុងពិធីបើកវគ្គ្គបណ្តុះបណ្តាលស្តីពីប្រវត្តិចលនាគោលការណ៏គ្រឹះកាកបាទក្រហម អឌ្ឍចន្ទក្រហម និងវិជ្ជាសង្គ្រោះបឋម ជូនដល់អ្នកស្ម័គ្រចិត្តកាកាបាទក្រហមកម្ពុជា ស្រុកកំពង់លែង ដោយមានការចូលរួមពីសំណាក់ លោកប្រាក់ សោភ័ណ្ឌ នាយកសាខាកាកបាទក្រហមខេត្តកំពង់ឆ្នាំង ព្រមទាំងលោកលោកយ៉ែម លក្ខិណា អភិបាល នៃគណះអភិបាលស្រុកកំពង់លែង លោកស្រីនាយករង សមាជិក សមាជិកា គណៈកម្មាធិការ ក្រុមប្រតិបត្តិសាខា-អនុសាខា អ្នកស្ម័គ្រចិត្ត យុវជនមកពីឃុំច្រណូក ឃុំដារ និងឃុំសំរោងសែន ចំនួន១១ភូមិសរុបចំនួន ២២នាក់ ។

នាក្នុងឱកាសនោះដែរ លោកជំទាវ ប៊ន សុភី បានពាំនាំនូវការផ្ដាំផ្ញើសួរសុខទុក្ខពីថ្នាក់ដឹកនាំគ្រប់លំដាប់ដែលកន្លងមកថ្នាក់ ដឹកនាំតែងតែយកចិត្តទុកដាក់គិតគូរជានិច្ចចំពោះទុក្ខលំបាករបស់បងប្អូនប្រជាពលរដ្ឋ ជាមួយគ្នានេះដែរ លោកជំទាវ ក៏ បានផ្តាំផ្ញើដល់សិក្ខាកាមទាំងអស់ខិតខំរៀនសូត្រ ត្រង់ស្តាប់ន្វវគ្រប់ឯកសារមេរៀនដែលគ្រូសម្របសម្រួលបានណែនាំពន្យល់ ដើម្បីខិតខំកិច្ចការងារមនុស្សធម៌ជូនសង្គម ៕ kgpn