គ្រុបព័ត៌មានសាមគ្គីថ្មី បានបើកកិច្ចប្រជុំ បូកសរុបការងារលទ្ធផលឆ្នាំ២០២៤ និងលើកទិសដៅបន្តឆ្នាំ២០២៥….
ភ្នំពេញ÷ នៅរសៀលថ្ងៃទី០៧ ខែតុលា ឆ្នាំ២០២៤ ក្រុម ការងារ គ្រុបព័ត៌មានសាមគ្គីថ្មី បានបើកកិច្ចប្រជុំបូកសរុបកាងារប្រចាំឆ្នាំ២០២៤ និងលើកទិសដៅបន្តឆ្នាំ២០២៥ និងបានបោះឆ្នោត ជ្រើសរើសប្រធានគ្រុប អនុប្រធាន និងលេខាធិការដ្ឋាន ដោយមានការអញ្ជើញចូលរួមពី ប្រធានកិត្តិយសទាំង០៣រូប រួមមានលោក ទូច ប៉ែត លោក ផាត់ ចំណាន លោកបណ្ឌិត ហោ គន្ធា ព្រមទាំងអង្គភាពសារព័ត៌មានដែលជាម្ចាស់ហត្ថលេខាចំនួន២៤អង្គភាព ដែលស្ថិតនៅក្នុងសាលប្រជុំភោជនីយដ្ឋានបាយ័ន រាជធានីភ្នំពេញ។
កិច្ចប្រជុំនេះបានលេីកឡេីងក្នុងទិសដៅ ចែករំលែក ដើម្បីរួមគ្នាជាធ្លុងមួយ ក្នុងការពង្រឹងពង្រីកតួនាទីក្រមសីលធម៌ វិជ្ជាជីវៈរបស់សារព័ត៌មាន និងការផ្សព្វផ្សាយព័ត៌មាន ដើម្បីជួយទុក្ខធុរៈគ្នាទៅវិញទៅមក ការពារផលប្រយោជន៍គ្នាទៅវិញទៅមក និងដើម្បីលើកកម្ពស់គុណតម្លៃ និងតួនាទីសារព័ត៌មាន ដែលជា អំណាចទី៤ និងជម្រុញការចូលរួមផ្សព្វផ្សាយពីសមិទ្ធផល ការអភិវឌ្ឍន័របស់រាជរដ្ឋាភិបាលកម្ពុជា ឱ្យកាន់តែល្អប្រសើរ ព្រមទាំង ចូលរួមប្រឆាំងនិងព័ត៌មានក្លែងក្លាយ ដែលបង្កអស្ថិរភាពសង្គមផងដែរ៕